IPL 2025 : ફરી ક્યારે શરૂ થશે IPL ? સંપૂર્ણ શેડ્યૂલ જાહેર, આ દિવસે રમાશે ફાઇનલ મેચ

ભારત-પાકિસ્તાન વચ્ચે યુદ્ધની સ્થિતિ સર્જાતા ટાટા IPL સિઝનની બાકીની મેચોને મુલતવી રાખવાનો નિર્ણય કરાયો હતો.

1. ભારત-પાકિસ્તાન યુદ્ધની સ્થિતિમાં IPL ની બાકીની મેચોને મુલતવી કરાઈ હતી (IPL 2025)
2. ટાટા આઈપીએલ 2025 ફરી શરૂ થવાની જાહેરાત કરાઈ
3. 17 મે થી 3 જૂન, 2025 ના રોજ ફાઇનલ સુધી, કુલ 17 મેચ 6 સ્થળોએ રમાશે

ભારત-પાકિસ્તાન વચ્ચે યુદ્ધની (IndiaPakistanWar2025) સ્થિતિ સર્જાતા ટાટા IPL સિઝનની (IPL 2025) બાકીની મેચોને મુલતવી રાખવાનો નિર્ણય કરાયો હતો. જો કે, હવે મહત્ત્વનાં સમાચાર આવ્યા છે. ટાટા આઈપીએલ 2025 ફરી શરૂ થવાની જાહેરાત કરવામાં આવી છે. 17 મે થી 3 જૂન, 2025 ના રોજ ફાઇનલ સુધી, કુલ 17 મેચ 6 સ્થળોએ રમાશે. સુધારેલા સમયપત્રકમાં બે ડબલ-હેડરનો સમાવેશ કરાયો છે, જે 2 રવિવારે રમાશે.

મીડિયા રિપોર્ટ અનુસાર, સરકાર અને સુરક્ષા એજન્સીઓ સાથે વિગતવાર ચર્ચા કર્યા પછી BCCI એ આ નિર્ણય લીધો છે. તમામ મુખ્ય હિતધારકોની સંમતિથી, એવું નક્કી કરવામાં આવ્યું હતું કે વર્તમાન સિઝનની બાકીની મેચો હવે પૂર્ણ કરવામાં આવશે.

IPL ક્રિકેટનો રોમાંચ 17 મે થી 3 જૂન સુધી ચાલુ રહેશે

સંશોધિત સમયપત્રક મુજબ, IPL 2025 ની બાકીની 17 મેચો 6 અલગ-અલગ સ્થળે રમાશે. આ મેચો 17 મે 2025 થી શરૂ થશે અને અંતિમ મેચ એટલે કે ફાઇનલ 3 જૂન 2025 ના રોજ રમાશે. આ સમયગાળા દરમિયાન, દર્શકોને બે ‘ડબલ હેડર’ એટલે કે એક જ દિવસે બે મેચ જોવા મળશે. આ ડબલ હેડર્સ રવિવારે યોજાશે.

પ્લેઓફ મેચનું શેડ્યૂલ જાહેર

IPL 2025 ના પ્લેઓફ તબક્કાનું સંપૂર્ણ સમયપત્રક પણ જાહેર કરવામાં આવ્યું છે. આ તબક્કો હંમેશા લીગનો સૌથી રોમાંચક ભાગ હોય છે, જેમાં ટોચની 4 ટીમ ટાઇટલ માટે સ્પર્ધા કરે છે. પ્લેઓફ મેચોનું શેડ્યૂલ આ મુજબ છે:

29 મે 2025 : ક્વોલિફાયર 1

30 મે, 2025 : એલિમિનેટર

1 જૂન, 2025 : ક્વોલિફાયર 2

3 જૂન 2025 : ફાઇનલ

આ ચાર મેચોના સ્થળોની જાહેરાત BCCI દ્વારા પછીથી કરવામાં આવશે, પરંતુ એવી અપેક્ષા છે કે આ મેચો મુખ્ય મહાનગરો અથવા સુરક્ષિત દરિયાકાંઠાના સ્થળોએ યોજાઈ શકે છે.