ફીફ્થ જનરેશન સ્ટીલ્ધ ફાયટર જેટ પ્રોજેક્ટ સિદ્ધ થઇ શક્યો : રાજનાથ

આવાં યુદ્ધ વિમાનો માત્ર, યુ.એસ., રશિયા અને ચાયના પાસે જ છે, આ યુદ્ધ વિમાન બનાવવામાં ખાનગી કંપનીઓને પણ જોડવામાં આવશે

નવી દિલ્હી : ભારતે ફીફ્થ જનરેશન, સ્ટીલ્ધ ફાયટર જેટ પ્રોજેક્ટ સંપન્ન કર્યો છે. સંરક્ષણ મંત્રાલય, આ પ્રકારનાં વિમાનો બનાવવામાં ભાગીદાર થવા ખાનગી કંપનીઓને પણ આમંત્રણ આપ્યું છે. આ દ્વારા ભારત પોતાની સ્વકીય સંરક્ષણ શક્તિ વધારી શકે તેમ છે. તેમજ ખાનગી કંપનીઓ કે તેમનાં કોર્ટેલ્સને પણ તેમાં ભાગીદાર થવાની તક આપે છે.

સંરક્ષણ મંત્રી રાજનાથ સિંહે આ માહિતી આપતાં પત્રકારોને જણાવ્યું હતું કે એડવાન્સ્ડ, મીડીયમ કોમ્બેટ એરક્રાફ્ટ (એએમસીએ) માટે પ્રોગ્રામ એક્ઝિક્યુશન મોડેલને કેબિનેટે મંજૂરી આપી દીધી છે.

તેઓએ વધુમાં કહ્યું હતું કે ડેવલપમેન્ટ એજન્સી (એડીએ) આ પ્રોગ્રામ હાથ ધરી રહી છે. તે ભવિષ્યમાં ખાનગી કંપનીઓ કે કોર્ટેલ્સને ભાગીદાર બનાવશે અને આ રીતે જાહેર તેમજ ખાનગી કંપનીઓને સમાન તક પણ મળશે. આ માટેનું બિડીંગ સ્વતંત્ર રીતે થશે, અથવા જોઇન્ટ વેન્ચર કે. કોન્સ્ટોરિયા દ્વારા પણ કરી શકાશે. પરંતુ તે કંપની ભારતીય હોવી અનિવાર્ય છે. તેમ જ તે પૂરી સક્ષમ હોવી પણ અનિવાર્ય છે. તે દેશના કાનૂનોને પૂર્ણત: અનુસરતી હોય તે પણ જરૂરી છે.

ગત માર્ચ મહિનામાં જ કેબિનેટ કમિટી ઓન સિક્યુરીટીએ (સી.સી.એચ) વડાપ્રધાનનાં નેતૃત્વ નીચે મળી હતી. તેણે એ.એમ.સી.એ.ની આ વિમાનોની ડિઝાઈન અને મેન્યુ ફેકચરીંગ માટે મંજૂરી આપી દીધી હતી.

આ રૃા. ૧૫,૦૦૦ કરોડનો પ્રોજેક્ટ, તે એરક્રાફ્ટની ડીઝાઇન અને મેન્યુફેકચરિંગ માટે તૈયાર કરાયો છે. તેમાં બે પ્રકારનાં એન્જિન્સ છે. માર્ક-૧, જનરલ ઇલેક્ટ્રિક (જીઈ) એફ ૪૧૪;૯૮ કીલો ન્યૂટનનાં (કે.એન.નાં) એન્જિન્સ રહેશે. જ્યારે એડવાન્સ્ડ માર્ક-૨માં ૧૧૦ કેએનનાં એન્જિન રહેશે તે વધુ શક્તિશાળી છે. આ પણ ડેવલપ થઇ રહ્યાં છે.

આઈએએફ એએમસીએની ૭ સ્કવૉડ્ન્સ (દરેકમાં ૧૮ વિમાનો) રચવા આતુર છે. તે પૈકી બે માર્ક-૧ અને બાકીની માર્ક-૨ની સ્ક્વોડન્સ હશે.

સંરક્ષણ મંત્રાલયની યાદી વધુમાં જણાવે છે કે માર્ક-૨ પ્રકારનાં વિમાનોનાં એન્જિન દેશમાં જ બનાવવામાં આવશે. તે માટે ફ્રાંસની સેફ્રાન, અમેરિકાની જીઈ અને યુકેની રૉલ્સ રોઈસ કંપનીઓ સ્પર્ધામાં છે.

આ વિમાનો છેલ્લામાં છેલ્લી એવિયોનિક્સ અને ઇન્ડીજીનસ એઇએસએ રેડારથી સજ્જ હશે. તે આંતરિક તેમજ બાહ્ય શસ્ત્રોથી પણ સજ્જ રહેશે.

અત્યારે આ પ્રકારનાં વિમાનો માત્ર યુ.એસ. (એફ-૨૨ રેપ્ટ્સ) રશિયા (એસ.યુ.૫૭) અને ચાયના (જે-૨૦) જ ધરાવે છે. ભારત હવે તેમાં ચોથી તાકાત બની રહેશે.