એન્ફોર્સમેન્ટ ડિરેક્ટોરેટે અભિનેતા રણબીર કપૂરને સમન્સ મોકલ્યું છે. EDએ આ સમન્સ મહાદેવ ગેમિંગ એપ કેસમાં પૂછપરછ માટે મોકલ્યું છે. EDએ અભિનેતાને 6 ઓક્ટોબરે પૂછપરછ માટે હાજર થવા જણાવ્યું છે. રણબીર કપૂર મહાદેવ ગેમિંગ એપને એન્ડોર્સ કરી રહ્યો હતો. EDનો દાવો છે કે બદલામાં તેમને મોટી રકમ રોકડમાં મળી હતી, જે ગુનાની આવક હતી.
હાલમાં, ED રૂ. 5,000 કરોડના મની લોન્ડરિંગ કેસમાં દુબઈથી ઓનલાઈન સટ્ટાબાજીની એપ ચલાવતા સૌરભ ચંદ્રાકર અને તેના બિઝનેસ પાર્ટનર રવિ ઉપ્પલ સામે તપાસ કરી રહી છે.
રિપોર્ટ અનુસાર, મહાદેવ ઓનલાઈન ગેમિંગ એપ કેસના આરોપી સૌરભ ચંદ્રાકરના લગ્નમાં રણબીર કપૂરે હાજરી આપી હતી. દુબઈમાં યોજાયેલા આ લગ્નમાં સૌરભે 200 કરોડ રૂપિયાનો ખર્ચ કર્યો હતો. આ પ્રસંગે અનેક સેલેબ્સે પણ પરફોર્મન્સ આપ્યું હતું. સૌરભ પર હવાલા દ્વારા સેલેબ્સને પૈસા આપવાનો આરોપ છે. તે જ સમયે, ED ઓનલાઈન ગેમ્સની જાહેરાતો દ્વારા ભંડોળની પણ તપાસ કરશે.
મહાદેવ ઓનલાઈન એપના કોલ સેન્ટર શ્રીલંકા, નેપાળ, યુએઈમાં છે. મહાદેવ એપના સ્થાપક UAEમાંથી 4-5 સમાન એપ ચલાવી રહ્યા છે. આ બધા એપથી દરરોજ લગભગ 200 કરોડ રૂપિયાનો નફો કમાઈ રહ્યા છે.
ગયા મહિને, નાણાકીય છેતરપિંડીની તપાસ કરતી તપાસ એજન્સીએ ઓનલાઈન સટ્ટાબાજીના કેસમાં રૂ. 417 કરોડની સંપત્તિ જપ્ત કરી હતી.
